Hao blong Daonlodem wan Zip

Sipos yu daonlodem wan zip, evri samting insaed long hem bae i daonlod i kam long fon o komputa blong yu wantaem nomo.

Be i olsem we evri sing ia i stap long wan kontena mo yu mas karemaot olgeta fastaem.

Long laptop hemi isi nomo – bae yu wan yu save wokemaot!

Be long fon blong yu, sipos yu no gat wan ap blong openem hem we i stap long fon blo yu finis, yu mas instolem wan. Wan we hem i wok gud, hemi ES File Explorer.

Long ES yu save lukaotem mo prestem ol sing ia we yu daonlodem finis. Afta bae yu luk wanwan sing mo yu save plem ol sing ia o wajem ol video long pleia blong ES nomo.

Maet ES is stap long fon blong yu finis, be sipos no, yu save doanlodem long ples ia.